WENDE NYASAYE 56 - 32

1. Anawer hera Yesu, Anawer koheroa,  Noweyo polo malo, Nosetho e Kalwari.           Anawer hera Yesu, Anapake gi chunya;            Nosetho e Kalwari, Anawer koheroa. 2. Anawer ng`wono Yesu, Anawer kong`wonona;  Enowena kethona, Enoyie ni an mare. 3. Yesu, donji e chunya, In Jakonya pile ka;  Konya timo tim maber, kendo konya hero In. 4. Tim maber onge kuoma; Awuoro kak` ihera;  Ruodha, kaw chunya koro, Obed mari nyaka chieng`. (Amin)

1. Nitie wer mamit e dhoga, Nikech osewara;  Kuom Jawarna, Yesu, Ruodha, Nikech osewara.           Nikech osewara, nikech osewara;            Adwaro pako nyinge, nikech osewara;            Adwaro pako nying Jawarna. 2. Kristo En ng`a moyieng`o chuny, Nikech osewara;  Adwaro timo dwarone nikech osewara. 3. Adwaro bed janenone, Nikech osewara;  Aonge kiawa e chunya, Nikech osewara. 4. Olosona kar bet malo, Nikech osewara;  Nadag kanyo ma nyaka chieng`, Nikech osewara. (Amin)

1. Nonindo ei liel, Yesu Jakonya;  Korito chieng` mar chier, Yesu Ruodha.           En to nowuok ae liel Ka nobuko loyo tho adier,            En mochier kotieko mudho chutho ka,            To obet tinende kod Malaika;            To nochier, En nochier,            Alleluia! Ruoth nochier. 2. To ne girito liel, Yesu Jakonya; Kayiem ne girite, Yesu Ruodha. 3. Tho ok noloyo En, Yesu Jakonya;  Nogolo twech duto, Yesu Ruodha. (Amin)

1.    E Kalwari - Jawar notho,  E kanyono, Jawar nogur;  E wi yadhno, Rembe nochwer,  Kendo nokawo chandruokna.           E Kalwari kanyo molil,             Kama Remb Yesu nochwerna;            E Kalwari manogwedhi,            Kanyo Jawarna nothona. 2. E dier luanda - Polo dudo,  Chuny Jawarna, nochot kanyo;  Law ma noyiech, nosiemo yo,  Madhi e mor ma ok norum. 3. O Yesu Ruoth - Nobed nade!  Nichiwo ngimani ni an;  Mar ting`o chuat, Msalaba,  E saa malich, E Kalwari. (Amin)

1. Hera ma Yesu hera go, ma nomiyo otho e yath,  Mondo owena richona, oloyo lep wacho.           Herane loyo lep wacho; Herane loyo lep wacho,           Hera ma Yesu herago, oloyo lep wacho. 2. Kuyo maduong` manoyudo, g`osimb kudho ma nosidhne,  Mond` ayud ngima nyaka chieng`, Oloyo lep wacho. 3. Kuwe maduong` ma ango kuome, en masayona nyim Nyasaye, rembe maler mano chuerna, oloyo lep wacho. 4. Mor mayudo ka En buta, kanindo anto ok naluor,  Genona kuome duong` chutho, oloyo lep wacho. (Amin)

1. Adwaro ng`eyo wach Yesu, ndiki duto e chunya;  Bi, nyisa weche madieri, Mitna moloyo duto.  Kona kaka malaika yandi nopoyo jokwath;  Noelnigi nyuol Yesu Motimore Bethlehem.           Nwona tich duto mag Yesu, ndik wechene e chunya;            Puonja gi puonjruok madieri, Mamit moloyo duto. 2. Puonja wach temruok mar Yesu, tem ma nothung`e e thim;  kaka jachien ne osande, Kaka Yesu noloyo.  Puonja wach chandruokne duto,  Bende kuom ting`ne mapek;  Puonja kaka ji nochaye, Kaka nogoye malit. 3. Ne gigure e msalaba, mane wach modhiera ngang`;  Kanyo nonwang`o masira, to noyie tho nikech wan.  Hera maduong`, ee, awuoro, mokadho hera mar ji;  Ita opowore koro, chunya amiye chutho. (Amin)

1.   Ang`eyo Yesu osewara  Kuom herane gi ng`wonone;  E nengo mochulo e thone,  Omiya bedo nyathine.           Osewara! Yesu owara gi rembe;            Osewara! Asebet nyathine chutho. 2. Amor nikech Ruoth osewara;  Onge dhum ma dahul godo,  Herano ma an go e chunya,  ka koro Yesu dak koda. 3. Ageno neno Ruodha Yesu;  E duong`ne gi berne duto;  Otayo tienda e wang` yore,  Oketo chikne e chunya. 4. E dala maler mar Nyasachwa;  Osimb ngima oritoa;  Chieng` moro kobiro gi duong`ne,  Eka nabed kode polo. (Amin)

1. Ndalo mamor, ka nahulo kak` ageni, In Jawarna; Chunya opong` gi mor chutho, Ok dak anyal mung`o wachni.           Mor maduong` ndalono, Ka Yesu noluoko kethna;           Opuonja ritora galam, Otelona e ngimana.           Mor maduong` ndalono ka Yesu noluoko kethna. 2. Wasetimo winjruok kode, An ng`ate chuth to En Ruodha; An koro aluwo bang`e, Amor nyiso ji kuom Jawar. 3. Chunya koro oyudo kuwe kapadora kuom Jakonya;. To kik aweye kendo ngang`, Asiki kode nyaka chieng`.. (Amin)

1. Chunya nigi mor moloyo kating`o dwonda pako Ruoth; To ng`a mowinjore pako nying Yesu kuom hera modhiero?           Hera maber, miwuoro ngang`,           Hera maduong` mar Yesu;           Hera maber, miwuoro ngang`,           Hera maduong` mar Yesu. 2. Yesu ochiwo mor gi kuwe, E chandruok ohoyo chunywa; Kakuyo to omiya mor; Awuoro herano mar Yesu. 3. Yesu owinja kayuakne, Oting`a malo kapodho; E ngimana nyaka thona, nagen hera maduong` mar Yesu. (Amin)

1. Yesu Jawarwa e Bethlehem chon Nonyuol e ot, ka ma dhok nindoe; E, awuoro kaka nowarowa, kaka nowarowa; Nobiro warowa, nobiro warowa; Ee, apako nyinge nikech yandi Nobiro warowa. 2. Yesu Jawarwa e Kalwari chon Nochulo gopwa, nogonyo chunywa; Ee, awuoro kaka notho ni wan, kaka notho ni wan; Nobiro tho ni wan, nobiro tho ni wan; Ee, apako nyinge nikech yandi Nobiro tho ni wan. 3. Yesu Jawarwa nomanyowa chon Ka ne waruenyo, ka ne ok wayie; Ee, awuoro kaka noluongowa, kaka noluongowa; Nobiro luongowa, nobiro luongowa; Ee, apako nyinge nikech yandi Nobiro luongowa. 4. Yesu Jawarwa chieng` moro nobi, Nobi mondo oom nyithinde maler; Ee, awuoro kaka obiro ka, obiro omowa; Obiro omowa, obiro omowa; Ee, apako nyinge t`obiro ka, Obiro omowa. (Amin)

1. Yesu Kristo oberna ngang`, gima, morna chutho; En tekona pile pile, Kenda dagora piny; An kakuyo adhi ire, En osiep maduogo chunya; Ka chunya pek ohoyoa, osiepna. 2. Yesu Kristo oberna ngang`, osiepna e chandruok; Ogwedhowa kadhi ire, To ok nokwera ngang`; Wang` chieng` maliet gi koth machwe, Dongonwa cham, bando gi bel; Chieng` be gi koth oa kuome, Osiepna. 3. Yesu Kristo oberna ngang`, nabet malong`one; Danyal nade kwer osiepna, Ka Yesu oyie an; Kalu ndache, okang` okang`, oritoa e mudho be; Kalu bang`e e mudho, e chieng`, Osiepna. 4. Yesu Kristo oberna ngang`, onge moro ka En; Ayiene En ma koroni, nyaka ngima norum; Ngima maber gi Osiepna, ngima mosiko mochwere; Mor mosiko, dak e polo, Gosiepna. (Amin)

1. Ywaya machiegni kodi, Ruodha; Ywaya iri, Jawarna maber ngang`; Ruoth, geng`a kiuma gi bwombi, Mond` ayud yueyo gi kuwe man kuomi; Mond` ayud yueyo gi kuwe man kuomi. 2. Ywaya machiegni kuom ng`wononi; Onge gima dakel ni Jawarna, To mana richo man e chunya; Yiena mondo ipwodha gi rembi, Yiena mondo ipwodha gi rembi. 3. Ywaya machiegni, abet mari; Chunya mor kaweyo richo gi keth, Mor mag piny duto, pak gi sunga; Miya Ruodha, Yesu ma nothona; Miya Ruodha, Yesu ma nothona. 4. Asik buti ka pod angima, Kachungo kuomi In e Lwandana; To nyaka chieng` anabed kodi, Buti machiegni, Yesu Jawarna, Buti machiegni, Yesu Jawarna. (Amin)

1. Kristo noluoko richona ,En Jawar miwuoro ngang`! Ochulo nengo nikech wan, En Jawar miwuoro ngang`!           En Jawar miwuoro ngang`!           En Yesu, En Yesu,           En Jawar miwuoro ngang`!           En Yesu Ruodha. 2. Apake kuom remo maler, En Jawar miwuoro ngang`! Moriwo chunya gi Nyasaye, En Jawar miwuoro ngang`. 3. Ogolo richo e chunya, En Jawar miwuoro ngang`! Koro obedo Ruoth maduong`, En Jawar miwuro ngang`. 4. Owuotho koda yo duto, En Jawar miwuoro ngang`! Omiya teko mar ritruok, En Jawar miwuoro ngang`! (Amin)

1. Jakwath nokwayo rombege Pier ochiko gochiko, To achiel kuomgi ne olalne ma notimo piero apar. Adier nolal e got moro, Ne en ku mabor ma onge jakwath. 2. "Rombe pier ochiko gochiko ok romi, yaye, Ruoth? To en oruakoi gang`o kuom achiel mobayo yo?  To gode be orach chutho; Kik ichandri, Ruoth, kayiem nono." 3. "Rombega ne gidoko pier` apar, Ma nahero adier; Kat` achiel kuomgi dwaro lalna ok dak ayie chutho; Kata yo obet marach kama, Anadhi e thim manyo rombe." 4. Ne onge ng`ato kat`achiel Ma nong`eyo chandruokne; Komanyo e thim mak ojok ngang`,Nyak` owinjo dwonde; Nonwang`e koyuak kool marach, Ne en ka malich, kodwaro tho. 5. Jakwath noting`e mos komor, Nodhigo dalane; Nowacho ni wadgi niya: "Moruru koro maber, T`asenwang`o nyarombona, Ma yandi olal e thim ku mabor." 6. To Yesu yandi omanyowa, Nochandore e piny, Notho ni rombege duto, To rombege ni wan. Malaika mor moloyo Ka gineno ng`a molokore. (Amin)

1. Jawar Yesu itelna e ngimana mar chandruok Gapaka mogingore, masiche be mopondo In Jaloch maduong` mar nam, Jawar Yesu itelna. 2. Kat` apaka gingore, Inyalo kueyo yamo. Apaka mager winji kichiko mondo gikwe. In Jaloch maduong` mar nam, Jawar Yesu itelna. 3. Ka achiegni gi chopo, ka yembe malich kudho Edho nam mokwe maber, ka ayiengora kuomi Yie, Awinji kiwachona, "Kik iluor anatelni." (Amin)

1. Wapako Ruoth ma Jawarwa, Muche oriwowa; To koseriwowa kama Walam gi chuny achiel. 2. Ochikowa wagene ka, wabed achiel kuome; Oneg` wawuoth kanyakla ka wachiko yor polo. 3. Ochiwo michne nijogo mageno nyinge chuth; Wanyiso ng`wonone kama, kwaherore maber. 4. Kwawinjore maber e piny, Kwamor kuom Yesu Ruoth, To mor manade ma nobet kwachokore e polo. (Amin)

1. Wuod dhano ma ne otho, Ma nosandi, ma nogur, En misango mar jopiny, Alleluya! En Jakonya. 2. Ne gigure Golgotha, Tho malit Owuon noyie; Chunya mor, nawer kama, Alleluya! En Jakonya. 3. Jo maricho chon kucha, Ne gisin kode marach; Rembe to nowarowa; Alleluya! En Jakonya. 4. Yesu In nitho kama! Nyaka chieng` naluwi ka; Chunya mor, nawer kama, Alleluya! En Jakonya. (Amin)

1. Awero teko mar Nyasaye Ma noloso gode, Ma noketo nembe matut, Ma noyaro polo; Awero rieko mochiko Wang` chieng` mondo mi piny ler; Dwe to orieny kuom chikne to, Sulwe duto winje. 2. Awero ng`wono mar Nyasaye Mamiyowa chiemo, Nochweyo duto gi Wachne, Noneno duto ber, Ruoth, ka manade mang`iyo aneno tich mag lueti; Polo ohulo duong` Nyasaye, Piny nyiso herane. 3. Yien,to gi cham, g`alote be, Duto hulo duong`ni; Yembe kudho, be koth ochwe Nikech chikni, Ruodhwa, Duto mimiyo ngima to gibedo e bwo ritni; Onge kamoro mwadhiye to Nyasaye ni kanyo. (Amin)

1. Ruoth, awinjo wach mar gwethni Ma iolo ni jogi; Gweth mang`won mahoyo chuny ji; An bende dak ayudi? An bende, an bende; Ol gwethni e chunya, Ruoth. 2. Kik ikadha, yaye Nyasacha, Richo oseloyoa; Kik iweya, yaye Jakonya, To inyisa ng`wononi. 3. Kik ikadha, In Wuon ng`wono, Chik tienda e wang`yori; An agombo luwi pile, Taya pile e piny ka. 4. Kik ikadha, yaye Jawarna, In Wuon ngima maradier; Muchi mondo dak e chunya, Kendo puonja wecheni. (Amin)

1. Roho mar Nyasaye, ibina, Luok chunya obed maler; Bende parona ipwodhi, Bi, ipong` chunya koro.           Much Nyasaye, mond` ibi, Pong` chunya, asayoi;           Pwodha abed ng`ati chutho,Much Nyasaye,ibi koro. 2. Roho mar Nyasaye, bi kuoma; Kata ok anyal neni To adwaro mond` ibina, Bi, ipong` chunya koro. 3. An ayom, aonge teko, An akulorani, Ruoth; Roho mar Nyasaye maler, to Mond` imiya tekoni. 4. Luoka, hoya, thiedha, gwedha; Herani opong`chunya; Konya, sira, taya pile; Gwethni mond` osik koda. (Amin)

1. Muya Maler, Jatendwa, Ibedo butwa pile; Telnwa mos e wang`yori, Wan jowuoth e piny marach; Ji gimor ka giwinjo Dwol mamit kokonigi: "Jawuoth, dak ibi ira; Lu bang`a, anatelni." 2. In Jakonya, Osiepa chutho, Mantie kodwa pile ka; Kik iwewa gi parruok, Ka wabedo e mudho; Ka yembe kudho matek, Chunywa bedo kod luoro; Luongwa, "Jawuoth, bi ira; Lu bang`a anatelni." 3. Ka tichwa oserumo, Wagombo yudo yueyo; Onge gi ma warito Mak mana polo kende; Onge gi ma wageno To mana remb Jawarwa; Luongwa, "Jawuoth, lu bang`a, Iniyud yueyo malo." (Amin)

1. Muya Maler, winj alamwa. Mondo idag e chunywa; Gi tekoni duto ilor, Muya Maler, ibi. 2. Bi kaka ler! Mond` ifwenynwa Kethwa, Kitwa maricho; Mond` itelnwa e yor ngima, En yor jo mabeyo. 3. Bi kaka mach, ipwodh chunywa, Kuom gik maricho duto; Mondo wachiwre ni Ruodhwa, Misango mangima. 4. Bi kaka koth, mi igwedhwa, Ka pod wan nyimi kae; Dak ipong`wa gi tekoni, Kiloyo chunywa chuth. 5. Kaka yamo mondo ibi, Gi teko kaka chon cha; Mondo warruok man kuom Yesu, Olandre piny duto. (Amin)

1. Much Nyasaye, Iler chutho; Lerni mond` omeny chunya; Kibedo koda Jakony, Mudhona duto norum. 2. Much Nyasaye, ahombi ngang`, Mi chunya bedo maler; Nyaka a ndalo mang`eny Kethruok oseloyoa. 3. Much Nyasaye, Jakony madier, Dak e chunya, miya kuwe; Gol kethruok oko chutho, Changi chunya man gi tuo. (Amin)

1. Osiep manade, en mor manade, Ka iyiengori kuom Ruoth Yesu. En gweth manade, en kuwe manade, Ka iyiengori kuom Ruoth Yesu.           Yiengri, yiengri Kigeno Yesu ma Ruodhi;           Yiengri, yiengri, yiengri kuom Yesu ma nyaka chieng`. 2. Anyalo wuotho e yorno madiny, Ka ayiengora kuom Ruoth Yesu; En yo maber madhiyo kar ngima Ka iyiengori kuom Ruoth Yesu. 3. Onge gimoro monego aluor Ka ayiengora kuom Ruoth Yesu. Ruoth nobed koda ndalo duto te, Ka ayiengora kuom Ruoth Yesu. (Amin)

1. Onge osiep moro kaka Yesu; En kende! En kende! Onge mathiedho tuoche mag chunywa; En kende! En kende!           Yesu ong`eyo chandruokwa duto,           Notelnwa nyaka piny ogik;           Onge osiep moro kaka Yesu;           Kat` achiel, Kat` achiel. 2. Onge osiep man gi duong` ka Yesu, En kende! En kende! To chunye muol moloyo ji duto; En kende! En kende! 3. Onge saa moro mak Entie kodwa, Kat` achiel, kat` achiel. Kata e mudho En kodwa pile; En kende! En kende! 4. To En Osiep ma ok enowewa; En kende! En kende! Onge jaketh ma Yesu ojaro, Kat`achiel, kat`achiel. 5. Noherowa nyaka ne othonwa; En kende! En kende! Ok enojwang` nyithinde mohero, Kat` achiel, kat` achiel. (Amin)